IMOS COLECCIONAR PALABRAS

Ben nenas e nenos, nais e pais, xa temos as primeiras palabras do noso Dicionario de palabras.

Desde este espazo seguímosvos animando para que deixedes as vosas novas palabras. Vexo que moitos de vós non lestes a anterior publicación onde vos propuñamos crear entre todos un dicionario de palabras. Palabras que non sabedes o seu significado ou que pola súa pronunciación vos resultan peculiares. Palabras que utilizan os vosos pais ou avós habitualmente nos seus traballos ou na casa.

Xián, seguro que o teu avó sabe algunha palabra que se utiliza habitualmente no balonmán. Iria M, teu pai terá moitas palabras que só utiliza no seu oficio. Cata, aínda non deixaches a túa palabra. Nadia, introduce un vocábulo que descoñezas dentro das túas poesías. Diego, Loli, Nadia e Sandra, seguide lendo a Lorca, Miguel Hernández, Machado ou Teijeiro e apuntade todas as palabras que descoñezades e tamén contemplade todas as metáforas, comparacións ou imaxes que nos proporcionan as poesías e pensar o que o poeta quere dicir. E a todos os que aínda non vos animastes a participar, sabedes que aquí tendes un lugar de expresión.

Ánimo.

Xoán C. Riobó

Déixovos as nosas palabras recopiladas. Eu introduzo unha nova.

AFARTACÁNS. Filloas do máis pobre feitas só con leite e fariña.

ARGANA. Espiña do peixe.

BOTEFA. Hortaliza da familia das cabazas, de tamaño medio e que se utiliza para a confección das prezadas chulas, mmm que ricas!

RIXÓN. Anaco de graxa de porco que contén un chisco de graxa.